威士忌知多啲：Whiskey 同 Whisky 有乜分別?

Whiskey V.S. Whisky

Whisky同whiskey有乜分別？其實呢個分別唔係拼錯，而係歷史同地區文化嘅影響。了解左呢兩個拼法嘅背後故事，可能會令你更好咁欣賞呢種經典飲品。

喺蘇格蘭、日本、法國等地方，佢哋會用whisky呢個拼法；而喺愛爾蘭同美國，佢哋會用whiskey呢個拼法。呢個分別源於19世紀，當時蘇格蘭威士忌嘅品質參差，愛爾蘭威士忌為咗同蘇格蘭威士忌劃清界線，就加多咗個「e」喺個名度，成為whiskey。

自此，whiskey就成為愛爾蘭同美國威士忌嘅專屬名詞。所以，下次唔好同蘇格蘭人講佢釀造嘅係whiskey，佢會請你即刻走人。